❮ Prev . . . ၁ ၂ အခန်းကြီး ၃ ၄ ၅ . . . ၁၆ ၁ သက်သာလောနိတ် ၂ သက် Next ❯
ရောမဩဝါဒစာ Romans
အခန်းကြီး ၃
၃း၁၀-၁၈ ပေါလုမှ ဆာလံကျမ်းကို ကိုးကားရခြင်းမှာ လူသားတို့သည် လက်ရှိ အခြေအနေ၌ အပြစ်နှင့် ပြည့်ဝနေကြသည်ဖြစ်၍ ဘုရားရှင်မှ လက်ခံနိုင်ဖွယ် မရှိကြောင်း ဖော်ပြလို၍ဖြစ်သည်။ သင်က ‘ကျွန်ုပ်သည် ဆိုးသွမ်းလွန်းသော သူမဟုတ်ပါ၊ ကျွန်ုပ်သည် အတော်အတန် ကောင်းမွန်သောသူ ဖြစ်သည်’ ဟု သင့်ကိုသင် စဉ်းစားဖူးပါသလား။ အောက်တွင် ဆက်လက်ဖော်ပြမည့် မေးခွန်းများကို ဆက်လက်ဖက်ရှုပြီး ထိုမေးခွန်းများသည် သင်နှင့် သက်ဆိုင်မှုရှိမရှိ ဆန်းစစ်ပါ။
- သင်သည် လိမ်ညာဖူးပါသလား။
- သင်သည်နှုတ်ဖြင့် အခြားသူတစ်ဦးအား နာကျင်စေခဲ့ ဖူးပါသလား။
- သင်သည် လူတစ်ဦးတစ်ယောက်အား နာကျည်းစိတ် ဖြစ်ပေါ်စေခဲ့ဖူးပါသလား။
- သင်နှင့် သဘောတူညီမှု မရှိသူများအပေါ် သင်သည် ပြင်းထန်စွာ အမျက်ဒေါသ ထွက်ဖူး ပါသလား။
ကျွန်ုပ်တို့သည် ဤကမ္ဘာရှိ အခြားသူများ ကဲ့သို့ပင် ဘုရားရှင်၏ ရှေ့တော်၌ ကိုယ်၊ စိတ်၊ နှလုံး၊ သုံးပါးဖြင့် အပြစ်ပြုခဲ့ကြသည်။ ကျွန်ုပ်တို့သည် ဘုရားရှင်၏ ရှေ့တော်၌ အပြစ်နှင့် ပြည့်ဝကြသူများ ဖြစ်ကြောင်း အစဉ်သတိရ ရမည်။ သင်သည် အပြစ်သားဖြစ်ကြောင်း ဝန်ခံရန် မည်သည့်အခါမှ မငြင်းဆန်ပါနှင့်။ ထိုအရာများသည် သင့်အား ခရစ်တော်ထံသို့ ညွှန်ပြမှုဖြစ်ပါစေ။
၃း၁၉ သင့်အား မှားယွင်းမှု တစ်ခုအတွက် လူတစ်ဦးမှ စွတ်စွဲမှုပြုသည့်အခါ၌ သင်သည် မည်သို့ တုန့်ပြန်သနည်း။ မသိဟန်ဆောင်ပြုခြင်း၊ ပြန်လည်ငြင်းခုန်ခြင်း၊ ကာကွယ်ပြောဆိုခြင်း စသည်တို့ဖြင့် သင်သည် တုန့်ပြန်ခဲ့ပါသလား။ ကျမ်းစာ၌ ‘လောကီသားအပေါင်း တို့သည် စကားတစ်ခွန်းကိုမျှ မပြောနိုင်ဘဲ ဘုရားသခင်ရှေ့တော်၌ အပြစ်သင့်သော သူဖြစ်ကြ၏’ ဟု ဖော်ပြထားသည်။ ထိုအချိန်၌ မည်သို့သော ချွင်းချက်၊ ငြင်းဆန်ချက်များ မပြုနိုင်တော့ပါ။ သင်အသုံးပြုလေ့ရှိသော ဆင်ခြင်မှု၊ ကာကွယ်ပြောဆိုမှု များကို ရပ်ဆိုင်းပြီး၊ ဘုရားရှင်၏ ဆုံးဖြတ်ချက်ကိုသာ စောင့်စားရမည့် အချိန်သို့ သင်သည် ရောက်ရှိနေပါပြီလား။ ထိုအချိန်သို့ သင်သည် မရောက်ရှိသေးလျှင် သင်လုပ်ဆောင်နေမှု များကို ရပ်တန့်ပြီး သင်၏အပြစ်ကို ဘုရားရှင်ထံ၌ ဝန်ချတောင်းပန်ပါ။ ထိုသို့ပြုလုပ်လျှင် နောက်တွင် ဆက်လက် ဖော်ပြမည့် ကျမ်းစကားများသည် သင့်အတွက် သတင်းကောင်းများ ဖြစ်လိမ့်မည်။
၃း၂၀-၃၁ ဤကျမ်းပိုဒ်များတွင် ဘုရားရှင်၏ ပညတ်တရားလုပ်ဆောင်မှု နှစ်ရပ်ကိုတွေ့နိုင်သည်။
ပထမလုပ်ဆောင်မှုမှာ
ပညတ်တရားသည် ကျွန်ုပ်တို့ မည်သို့သော မှားယွင်းမှုများကို လုပ်ဆောင်နေကြောင်း ပြသသည်။ ပညတ်တရားအားဖြင့် ကျွန်ုပ်တို့သည် ကျွန်ုပ်တို့ကိုယ်ကို ကူညီကင်းမဲ့ လျက်ရှိသော အပြစ်သားများ ဖြစ်ကြောင်း သိလာစေပြီး ခရစ်တော်ယေရှု၏ ဂရုဏာတော်သို့ ချဉ်းကပ်စေသည်။
ဒုတိယလုပ်ဆောင်မှုမှာ
ပညတ်တရားသည် ကျွန်ုပ်တို့အား ဘုရားရှင်မှ လိုက်လျှောက် စေလိုသော ကိုယ်ကျင့်တရား စံနှုန်းများကို ဖော်ပြခြင်းအားဖြင့် ကျွန်ုပ်တို့၏ လုပ်ဆောင်မှုများကို လမ်းညွှန်ထိန်းကျောင်းပေးသည်။
ကျွန်ုပ်တို့သည် ပညတ်တရားကို စောင့်ထိန်းခြင်းအားဖြင့် ကယ်တင်ခြင်း မရရှိနိုင်ပါ။ (ခရစ်တော်တစ်ပါးတည်း သာလျှင် ထိုပညတ်တရားကို ပြည့်ဝစွာ စောင့်ထိန်း နိုင်သည်။) ကျွန်ုပ်တို့သည် ဘုရားရှင်၏ အလိုတော် အတိုင်း လုပ်ဆောင်လိုက်လျှောက်ခြင်းဖြင့် ဘုရားရှင်၏ စိတ်တော်နှင့် ကျွန်ုပ်တို့ကို တွေ့စေနိုင်ပါသည်။
❮ Prev . . . ၁ ၂ အခန်းကြီး ၃ ၄ ၅ . . . ၁၆ ၁ သက်သာလောနိတ် ၂ သက် Next ❯