ငါသည် မှန်သောစပျစ်နွယ်ပင် ဖြစ်၏။ ငါ့ခမည်းတော် သည်လည်း ဥယျာဉ်စောင့် ဖြစ်တော်မူ၏။
 
ငါ၌အသီးမသီးသော အခက်ရှိသမျှတို့ကို ခုတ်ပစ်တော် မူ၏။ အသီးသီးသော အခက် ရှိသမျှတို့ကို သာ၍ သီးစေခြင်းငှာ သုတ်သင် ရှင်းလင်းတော်မူ၏။
 
သင်တို့သည် ငါဟောပြောသော စကားအားဖြင့် ယခုပင် ရှင်းလင်းလျက် ရှိကြ၏။
 
ငါ၌ တည်နေကြလော့။ ငါသည်လည်း သင်တို့၌ တည်နေမည်။ စပျစ်ခက်သည် အပင်၌ မတည်လျှင် ကိုယ်အလိုအလျောက် အသီးမသီးနိုင် သကဲ့သို့၊ သင်တို့သည် ငါ၌ မတည်လျှင် အသီး မသီးနိုင်ကြ။
 
ငါသည် စပျစ်နွယ်ပင်ဖြစ်၏။ သင်တို့သည် အခက်များ ဖြစ်ကြ၏။ အကြင်သူသည် ငါ၌တည်၍ ငါသည်လည်း သူ၌တည်၏၊ ထိုသူသည် များစွာသော အသီးကို သီးတတ်၏။ ငါနှင့်ကွာလျှင် သင်တို့သည် အဘယ်အမှု ကိုမျှ မတတ်နိုင်ကြ။
 
ငါ၌ မတည်သော သူသည် သွေ့ခြောက်သော အခက်ကဲ့သို့ ပြင်သို့ ပစ်လိုက်ခြင်းကို ခံရ၏။ ထိုသို့သော အခက်များကို လူတို့သည် စုသိမ်း၍ မီးထဲသို့ ချလိုက် ကြသဖြင့် မီးလောင်ခြင်းသို့ ရောက်ကြ၏။
 
သင်တို့သည် ငါ၌တည်၍ ငါ့စကားသည် သင်တို့၌ တည်လျှင်၊ သင်တို့သည် တောင်းချင်သမျှကို တောင်း၍ ရကြလိမ့်မည်။
 
သင်တို့သည် များစွာသော အသီးကို သီးသော အားဖြင့် ငါ့ခမည်းတော်သည် ဘုန်းထင်ရှားတော်မူ၍ သင်တို့ သည်လည်း ငါ၏ တပည့် မှန်ကြလိမ့်မည်။
 
ခမည်းတော်သည် ငါ့ကို ချစ်တော်မူသကဲ့သို့ ငါသည် သင်တို့ကိုချစ်၏။ ငါ၏ချစ်ခြင်း မေတ္တာ၌ တည်နေကြလော့။
 
ငါသည် ငါ့ခမည်းတော်၏ ပညတ်တို့ကို စောင့်ရှောက်၍ ခမည်းတော်၏ မေတ္တာ၌ တည်နေသကဲ့သို့၊ သင်တို့သည် ငါ့ပညတ်တို့ကို စောင့်ရှောက်လျှင်၊ ငါ့မေတ္တာ၌ တည်နေ ကြလိမ့်မည်။
 
သင်တို့၌ ငါဝမ်းမြောက်စရာ အကြောင်း တည်စေခြင်းငှာ လည်းကောင်း သင်တို့ ဝမ်းမြောက်စရာ အကြောင်း စုံလင်စေခြင်းငှာ လည်းကောင်း၊ ဤစကားကို သင်တို့အား ဟောပြော၏။
 
ငါ့ပညတ် ဟူမူကား၊ ငါသည် သင်တို့ကို ချစ်သည် နည်းတူ၊ သင်တို့သည် အချင်းချင်း ချစ်ကြလော့။
 
ကိုယ်အဆွေတို့ အဖို့ အလိုငှာ ကိုယ်အသက်ကို စွန့်ခြင်း မေတ္တာထက် သာ၍ မြတ်သောမေတ္တာသည် အဘယ်သူ၌မျှမရှိ။
 
သင်တို့သည် ငါပညတ် သမျှတို့ကို ကျင့်ဆောင်လျှင် ငါ၏အဆွေ ဖြစ်ကြ၏။
 
ယခုမှစ၍ ငါသည် သင်တို့ကို ကျွန်ဟူ၍မခေါ်။ ကျွန်မူကား၊ ကိုယ်သခင် ပြုသောအမှုကို မသိ။ သင်တို့ကို အဆွေဟူ၍ ငါခေါ်၏။ အကြောင်းမူကား၊ ငါသည် ခမည်းတော်ထံ၌ ကြားသမျှသော အရာတို့ကို သင်တို့အား ငါပြသ၏။
 
သင်တို့သည် ငါ့ကိုရွေးကောက် ကြသည်မဟုတ်။ ငါသည် သင်တို့ကို ရွေးကောက်သဖြင့်၊ သင်တို့သည် သွား၍ တည်ကြည်သော အသီးကို သီးမည်အကြောင်းနှင့် ငါ့နာမကို အမှီပြု၍ ခမည်းတော်မှာ တောင်းသမျှတို့ကို ရမည်အကြောင်း သင်တို့ကို ငါခန့်ထား၏။
 
သင်တို့သည် အချင်းချင်း ချစ်စေခြင်းငှာ ဤပညတ်တို့ကို ငါပေး၏။